Një tjetër aksident ka ndodhur pasditen e sotme në Shkodër. Mësohet se një makinë ka rënë në ujërat e lumit Drin poshtë urës së Spatharit në Vaun e Dejës.
Forcat e policise kanë shkuar në vendin e ngjarjes dhe kanë bërë të mundur nxjerrjen e 19-vjeçares Anila Fiku. E reja u nxor nga mjeti pa pësuar lëndime por është dërguar në spital për kontroll.
Policia po heton për zbardhjen e rrethanave dhe shkaqeve të aksidentit.
