Mbrëmjen e sotme, ora 20:45, Shqipëria luan ndaj Bjellorusisë, ndeshje e vlefshme për Ligën e Kombeve.
Një ndeshje mjaft e rëndësishme për kuqezinjtë të cilët kanë si objektiv për të zënë vendin e parë në Grupin 4 të Ligës C, ku Shqipërisë i duhet të mposhtë Bjellorusinë, Lituaninë dhe Kazakistanin.
Si gjithmonë Kombëtaren nga ekranët e televizorit do ta mbështesin mijëra tifozë ndërsa një gjë të tillë ka vendosur ta bëjë edhe klubi i Tiranës. Skuadra më e titulluar në Shqipëri nëpërmjet një postimi në rrjetet sociale shpreh mbështetjen e saj ndaj Kombëtares.
Klubi i Futbollit Tirana sot flet Kuqezi!
Skuadra bardh’ e blu i uron fat kombëtares Shqiptare në sfidën përball Bjellorusisë. Bashkohemi në shpresën e një ndeshjeje dinjitoze për ngjyrat që veshin kombin tonë. Suksese! @fshforg – shkruhet në postimin e FK Tiranës.
