Duket se një tjetër lojtar i Kombëtares shqiptare do të luajë në Serinë A.
Ashtu siç raporton “Panorama Sport” mbrojtësi 23-vjeçar, Ardian Ismajli, ka arritur marrëveshjen me klubin e sapongjitur në elitën italiane, Spezia.
Lajmin e bën të ditur për gazetën edhe vetë menaxheri i lojtarit, Erkan Sulejmani.
“Po, është e vërtetë. Pas tri ditësh diskutime, më në fund vendosëm që Ardiani të shkojë te Specia. Ishim në negociata edhe me Beneventon, por Specia bindi për ofertën edhe klubin e Hajduk Split që ka kartonin”, ka thënë menaxheri i mirënjohur, i cili një dekadë më parë ka qenë futbollist i Vllaznisë dhe Kastriotit në kampionatin shqiptar.
Ndërkohë, gazeta zbulon gjithashtu se në total transferimi i Ismajlit ka shkuar 7.2 milionë euro. Plot 3 milionë euro do të arkëtojë Hajduk Spliti nga shitja e futbollistit të Shqipërisë, ndërsa vetë Ismajli ka firmosur për 4 vite.
Në total ai do të përfitojë në këto katër sezone si pjesë e Specias 4.2 milionë euro. Pra, në një sezon kosovari merr diçka më shumë se 1 milionë euro.
