Shtetet e Bashkuara po shohin mundësinë për vendosjen e sanksioneve ndaj shtatë Bjellorusëve që mendohet se ishin të përfshirë në falsifikimin e zgjedhjeve të 9 gushtit dhe në dhunën kundër protestuesve paqësorë, thuhet në një deklaratë të një zyrtari të lartë i Departamentit të Shtetit të SHBA.
“Ne kemi një grup prej shtatë personash të cilët po punojnë me Thesarin për të patur fakte të besueshme” në mënyrë që të aplikohen sanksionet”, deklaroi zyrtari.
“Ishte një përpjekje minimale për të …, por për të treguar që kur njerëzit të vjedhin zgjedhjet dhe kryejnë dhunë kundër protestuesve paqësorë, që ushtrojnë liritë themelore të protestës dhe fjalës, duhet të ketë një farë përgjegjësie,” tha ai.
Zyrtari, i cili foli në kushte anonimiteti, tha se Shtetet e Bashkuara mund të vendoste sanksione ndaj Rusisë, nëse ajo do të ndërhynte hapur me forcë në Bjellorusi, pas shpërthimit të protestave pas zgjedhjeve të 9 gushtit, që opozita thotë se ishin manipuluar për të zgjatur sundimin 26-vjeçar të Presidentit aktual Alexander Lukashenko.
Lukashenko mohon mashtrimin elektoral dhe nuk ka treguar asnjë shenjë tërheqjeje përkundër kërcënimit të sanksioneve perëndimore.
Zyrtari nuk përmendi emrat e shtatë Bjellorusëve dhe vuri në dukje se Lukashenko është tashmë në listën për tu aplikuar sanksionet e SHBA.
Zyrtari tha se Zëvendës Sekretari i Shtetit i SH.B.A. Stephen Biegun e bëri të qartë në takimet në Moskë me Ministrin e Jashtëm rus Sergei Lavrov dhe zyrtarë të tjerë të lartë, javën e kaluar, “se do të kishte pasoja në marrëdhëniet SHBA-Rusi nëse Rusët do të ndërhynin hapur me forcë në Bjellorusi ”.
