Presidenti i FSHF- së Armando Duka, mbrëmjen e djeshme ka qenë i ftuar në emisionin ‘Natën me Xhaxhiun’ dhe ndër të tjera ka bërë disa batuta e komplimente për Marina Vjollcën, e cila drejton ‘Procesin Sportiv’ si dhe për Dritan Shakohoxhën dhe tonin e lartë të zërit.
Pjesë nga intervista
I thoni ndonjë gazetari “i dashur armik”?
Të jesh drejtues i një institucioni publik, patjetër që do të kesh vërejtje, kritika, sharje. Megjithatë, nuk mbaj qëndrim.
Kosta Grillo. Keni një definicion për të?
E ndjek, sepse ka kohë që i komenton ndeshjet e Kombëtares, ndër të tjera. Është komentator i mirë, por është shumë i shëndoshë (qesh…)
Dritan Shakohoxha?
Pothuajse s’e dëgjoj asnjëherë ndeshjen nën komentin e tij. Nuk më pëlqen si komentator, por e kam mik. Ai do të mërzitet për këtë gjë. Nuk më pëlqen sepse bërtet shumë. Në komentin e tij, duket sikur është ndonjë ndeshje e madhe, por në të vërtetë nuk ka ndonjë gjë të madhe nëse e sheh realisht.
Enkelejda Zeko?
Nuk mund të shaj askënd, por Zeko është e vjetër në profesion. Duhet mbështetur sepse është nga femrat e pakta në këtë profesion. Është goxha profesioniste. E bën shumë mirë emisionin, edhe pse ka qenë kritike me mua në shumicën e rasteve.
Eduard Manushi?
Kur shoh këtë emision, nuk e shoh mashkullin. Është aq e bukur ajo, sa nuk e shoh fare Manushin.
Gëzim Sinemati?
E njoh përpara se të isha president i FSHF-së. Ai ka zgjedhur profilin e tij mediatik, që të jetë siç thuhet “kontrapedal”. Si me mua, edhe me të gjithë të tjerët. Megjithatë, nuk e keqkuptoj.
