Shkencëtarët e NASA-s po vëzhgojnë një asteroid i cili pritet të godasë orbitën e tokës në datën 6 shtator, duke kaluar afër planetit tonë me shpejtësi 31.400 km/h.
Objekti hapësinor klasifikohet si një objekt në afërsi të Tokës nga Administrata Kombëtare e Aeronautikës dhe Hapësirës, shkruajnë mediat britanike.
Çdo kometë ose asteroid në afërsi prej 1.3. njësi astronomike nga Dielli futet në këtë kategori, e cila nuk nënkupton medoemos se dëmton jetën e njerëzve.
Asteroidi, i quajtur 465824 (2010 FR), është mes 120m dhe 270m i gjerë, dhe përafërsisht do të jetë pothuajse 2 herë më i madh se Piramida e Gizës.
