Aksident në aksin Elbasan -Librazhd. Tre mjete përplasen me njëra-tjetrën dhe për pasojë kanë mbetur të lënduar tre persona. Aksidenti ndodhi pak minuta më parë në afërsi të shkollës së Mengelit.
Si pasojë e këtij aksidenti janë krijuar radhë të gjata. Policia në vendngjarje për të zbardhur shkaqet.
Informacion paraprak
Në aksin rrugor Elbasan- Librazhd, në fshatin Mengël, Elbasan, mjeti tip ” Golf” me drejtues shtetasin P.B., 45 vjeç, banues në Librazhd është përplasur me mjetin tip “Volkswagen”, me drejtues shtetasin I.S., 38 vjeç, banues në Durrës dhe me mjetin tip “Benz”, me drejtues shtetasen A.M., banuese në Elbasan, 26 vjeçe.
Si pasojë e aksidentit është plagosur drejtues i mjetit “Golf” , shtetasi P.B., si edhe 3 pasagjerët që ndodheshin në këtë mjet, të cilët u transportuan në Spitalin Rajonal Elbasan për ndihmë mjeksore jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit .
