Dy vëllezër janë arrestuar nga policia e Shkodrës pasi para disa ditësh kishin qëlluar në drejtim të një furgoni ku ndodhej pasagjer një 42 vjeçar. Mëngjesin e sotëm policia ka finalizuar operacionin me vënien në pranga të vëllezërve Edmond dhe Kristian Vushmaqi 27 dhe 24 vjeç në fshatin Grizhë, Malësi e Madhe në banesën e një të afërmi të tyre.
Sipas policisë dy vëllezërit janë autorët e ngjarjes në fshatin Mali Kolaj në Velipojë.
Policia informon se “Finalizohet me sukses operacioni i koduar “Exit” ku u kapën dhe u arrestuan 2 vëllezërit. Me datë 14.10.2016, nga shërbimet e sektorit për krimet kundër jetës në D.V.P Shkodër, në bazë të informacioneve të siguruara u arrit që të lokalizoheshin vendndodhjet e 2 vëllezërve të dyshuar si autorë të ngjarjes së ndodhur në datë 26.09.2016 ku qëlluan me armë zjarri në drejtim të një furgoni ku ndodhej pasagjer shtetasi K.M, 42 vjeç, banues në Velipojë i cili ka qënë objekt sulmi në këtë ngjarje.”
Sipas bluve të qytetit të Shkodrës, kjo ngjarje ka ndodhur për motive të dobëta pasi më përpara kishin pasur konflikte me njëri tjetrin.
Materialet iu referuan Prokurorisë së Rrethit Gjyqësor Shkodër për veprën penale “Vrasje në rrethana cilësuese ndaj dy ose më shumë personave” e mbetur në tentative e kryer në bashkëpunim” dhe “Prodhim dhe mbajtje pa leje e armëve dhe municioneve luftarake dhe armëve të gjahut” parashikuar nga nenet 79, 22, 25, 278 dhe 280 të Kodit Penal.
