Policia e Durrësit ka arrestuar një 25 –vjeçar nga Tirana në portin e Durrësit pasi në automjetin e tij iu gjet një sasi prej 11 kg marijuanë.
Sipas njoftimit të policisë shtetasi Jurgen Marku është arrestuar në flagrancë.
Njoftimi i policisë:
Arrestimi në flagrancë i këtij shtetasi u bë pasi gjatë kontrollit të ushtruar në Portin e Durrësit në automjetin tip Benz, Fuoristradë, me targa AA 503 OZ, në dyshemenë e mjetit, poshtë dy sedileve, me drejtues shtetasin e mësipërm, iu gjetën dhe iu sekuestruan në cilësinë e provës materiale 18 pako të mbështjella me celofon me rreth 11 kg lëndë narkotike e dyshuar e llojit Marjuanë.
Materialet do t’i kalojnë Prokurorisë pranë Gjykatës së Shkallës së Parë për Krimet e Rënda, Tiranë për veprime të mëtejshme, për veprën penale ”Trafikimi i lëndëve narkotike” e mbetur në tentativë.
