Shkencëtarët tani kanë filluar të hetojnë se si COVID-19 shkakton humbjen e shqisës së nuhatjes dhe nëse ajo ndikon në sistemin e nuhatjes ndryshe nga “pushtuesit” e tjerë viralë.
“Ne në të vërtetë dimë shumë pak rreth asaj se si nuhatja ndryshon kur keni ftohje”, thotë Sandeep Robert Datta, një profesor i neurobiologjisë në Universitetin e Harvardit. “Cilat janë shanset për një humbje të shqisës së nuhatjes? Sa zgjat? Këto janë të gjitha informacionet themelore, të cilat aktualisht nuk i kemi ”, shtoi ai.
Hunda është një nga “portat” kryesore përmes të cilave SARS-CoV-2, virusi që shkakton sëmundjen COVID-19, hyn në trup. Studiuesit kanë identifikuar tashmë dy lloje të qelizave të hundës si pika të mundshme hyrëse për virusin. “Duket se indi sino-nazal është në të vërtetë një vend i preferuar për virusin,” thotë Reed.
A rikthehet nuhatja dhe a mund të ‘kontribuojmë’ për ta pasur sërish shqisën?
Shkencëtarët thonë se një mundësi mund të jetë stërvitja, trajnimi i nuhatjes, një lloj terapie fizike për hundën.
Çdo ditë, duhet të nuhatni disa shishe vajrash esencialë, si eukalipt, karafil ose limon. Ndërsa nuhatni, ju duhet të përqendroheni tek aroma, edhe nëse nuk mund ta perceptoni.
Një seri provash sugjerojnë që trajnimi i nuhatjes mund të jetë efektiv, por nuk ka asnjë garanci që do të funksionojë për të gjithë, dhe nuk ka asnjë hulumtim që tregon se ai punon për humbjen e shqisës si pasojë e COVID-19.
