Detaje të reja raportohen lidhur me hetimet e Prokurisë së Posaçme lidhur me tre kontratat koncesionare të inceneratrëve në vend: atë të Tiranës, Fierit dhe Elbasanit.
Sipas “Tv Klan”, nën hetim janë disa zyrtarë dhe përfituesin e koncesioneve.
Ndëkohë, përveç akuzës së prishjes së pabarazisë në tendera ka dyshime se në dhënien e këtyre koncesioneve janë konsumuar dhe veprat penale të shpërdorimit të detyrës dhe falsifikimit të dokumentave.
Dyshohet se përfituesit e koncesioneve kanë falsifikuar dokumentat.
Nga prokuroria janë çuar disa institucione për marrje informacioni, si në QKB dhe pritet që akuza të marrë në dorë një raport të Konrolllit të Lartë të Shtetit. Në fillim të shtatorit, pritet të merren në pyetje personat e përfshirë.
Kujtojmë që tre inceneratorët, në Tiranë, Elbasan dhe Fier kanë një vlerë 170 milion euro.
Në fund të muajit Qershor, “Nisma Thurrje” depozitoi një padi penale pranë SPAK për inceneratorin e Fierit. Pesë ishin akuzat penale të ngritura në kallëzim: “Prishja e garës dhe pabarësisë në tendera”, “keqadministrii i pasurisë publike”, “falsifikimi i objektit të truallit të ndërtimit”, “shëprdorimi i buxhetit të shtetit”, “evazioni fiskal dhe pastrimi i produkteve të veprës penale”.
Në padi, pretendohet se grupi që sot po administron gjithë veprimtarinë e ndertimit dhe operimit të inceneratorëve me skema të partnertetit publik-privat që eshtë inceneratori i Elbasanit, inceneratori i Fierit dhe ai i Tiranës, lidhen me njëri tjetrin nëpërmjet kompanive të krijuara jashtë vendit, si pjesë e një grupi kriminal.
“Në media janë hedhur dyshime se kompania EM Kapital e krijuar në Bullgari është një ndër kompanitë ku Klodjan Zoto dhe Mirel Mërtiri, bashkëjetuesi i pronares së vetme të inceneratorit të Elbasanit Stela Gugalli, lidhen me njëri tjetrin në një partneritet biznesi . Së fundmi Ilir Dedja, është shpallur në kërkim nga prokuroria e Zimbabëe dhe nga Interpol në lidhje me një aferë korruptive në shtetin e Zimbabëes që përfshinte Ministrin e Shëndetësise së atij vendi. Ministri i Shëndetësisë së Zimbabëes është arrestuar, ndërsa Ilir Dedja është shpallur në kërkim. Njëkohësisht, rreth 2 vjet më parë, Klodjan Zoto ka pasur një çështje të hapur nga prokuroria e Zimbabëes për një ofertë të paraqitur në lidhje me ndërtimin e një inceneratori. Procedurat u bllokuan në atë kohë siç raportohet edhe në mediat online Implikimi në afera korruptive i këtij grupi, ngre dyshimin e arsyeshëm, se e njëjta skemë përfitimi mund të jetë përdorur dhe në Shqipëri në rastin e kontratave konçesionare”, thuhet në padi.
LEXO EDHE:
Klodian Zoto dhe Mirel Mërtiri përfundojnë në SPAK/ Zbardhet padia për inceneratorët
