Motra e Britney Spears po kërkon më shumë kontroll mbi pasurinë e këngëtares, ndërsa beteja për kujdestarinë ligjore të saj bëhet gjithnjë e më e tensionuar.
Jamie Lynn Spears ka tashmë pak kontroll mbi financat e motrës së saj, pasi u emërua si administruese e besuar e pasurisë së Briteny Spears në 2018.
Në një proces gjyqësor javën e kaluar, ajo kërkoi kontrollin e parave të depozituara në një fond për fëmijët e Britney. Ajo kërkoi që paratë të transferohen në llogaritë për të cilat është vetë kujdestare.
Financat e këngëtares aktualisht kontrollohen nga babai i saj James Spears, i cili ka qenë kujdestari ligjor i vajzës së tij për më shumë se një dekadë për shkak të shqetësimeve të ngritur për shëndetin mendor të Britney.
Ai përkohësisht u tërhoq nga roli i mbikëqyrjes së punëve të saj personale në vitin 2019, si pasojë e problemeve të tij shëndetësore. Dhe tani, Jamie Lynn Spears tani ka kërkuar që të gjitha pasuritë e SJB Revocable Trust të transferohen në një ose më shumë llogari të Fidelity Brokerage Services, të cilat i kontrollon vetë.
Fondi i besimit u krijua nga këngëtarja në 2004 për të mbrojtur të ardhmen e fëmijëve të saj.
Një vendim për “kujdestari ligjore” jepet zakonisht për individë që nuk janë në gjendje të marrin vendimet e tyre, siç janë të çmendurit dhe njerëz me probleme të shëndetit mendor.
Për 12 vitet e fundit, babai dhe avokati i Britney kanë menaxhuar pasuritë dhe jetën personale të saj, përfshirë mundësinë kufizimin e vizitorëve të saj dhe komunikimin me mjekët në lidhje me trajtimin.
Kujdestaria ligjore ndaj këngëtares u vendos kur ylli filloi të sillej në mënyrë të çrregullt në vitin 2007 pas divorcit nga Kevin Federline dhe humbjes së kujdestarisë së dy fëmijëve të tyre, megjithëse Britney Spears i viziton shpesh.
