Ish-kryeministri Sali Berisha ju ka bërë thirrje të gjithë qytetarëve shqiptarë në Malin e Zi që të dielën e 30 Gushtit të dalin dhe të votojnë masivisht për partitë shqiptare.
Ndryshe nga kryeministri Edi Rama, Sali Berisha në postimin e tij në Facebook, fton shqiptarët e Malit të Zi të marrin pjesë në votime dhe të votojë kandidatët shqiptarë për konsolidimin e pavarësisë dhe integrimin e vendit të tyre në BE.
Ja postimi i Berishës:
Mali i Zi ne zgjedhje parlamentare!
Miq, Mali i Zi me daten 30 gusht zhvillon zgjedhjet parlamentare.
Me kete rast le tju drejtojme nje mesazh miqesor te gjithe shqiptareve qytetar te Malit te Zi, kudo qe ndodhen, te dalin masivisht ne zgjedhje dhe te votojne per kandidatet shqiptar per konsolidimin e pavaresise dhe integrimin ne BE te vendit te tyre. Sb
Kujtojmë që më herët kryeministri Edi Rama me anë të një videomesazhi uronte kandidatin për kryeministër dhe ftonte qytetarët malazezë dhe ata shqiptarë që të votonin Milo Gjukanoviçin.
