Shefja e Institutit të Shëndetit Publik, Silva Bino, në një status në rrjetet sociale ka bërë me dije se është ndarë nga jeta si pasojë e Covid-19, kolegu i saj Vilson Topulli.
Bino shkruan fjalët prekëse për kolegun, ndërkohë që e cilëson atë si një njeri të palodhur. Ajo thekson se ai ishte kujtesa e ISHP-së, pasi kishte filluar punë aty që në moshën 19-vjeçare.
“Kjo pandemi na mori sot kolegun tonë të palodhur, Vilson Topullin. Me Vilin jam njohur gjatë epidemisë së kolerës në vitin 1994. Më pas punova rreth 16 vite me të. Vili ishte personi që njihte çdo skutë që Shqipëri, e njihte vendin dhe këdo që punonte në shëndet publik. Një njeri i palodhur. Ishte historia dhe kujtesa e ISHP ku kishte filluar punën qysh 19 vjeç”, shkruan Bino ndër të tjera.
Bino thekson ndër të tjera se ai ishte epidemiolog i terrenit, ndërkohë që nuk mund ta dinte se vite më pas një pneonomoni e tillë do ti merrte jetën.
“Ishte epidemiolog i palodhur i terrenit. Nuk mund ta dinte se vite më pas një pneumoni e tillë do ti merrte jetën. Të na falësh Vili që nuk të mbrojtëm e nuk të shpëtuam dot”, shkruan Bino.
Sipas raportimit të fundit të Ministrisë së Shëndetësisë, numri i personave që nuk e kanë fituar dot betejën me Vovid janë 259. Rastet aktive në vend janë rritur në 3970.
