Detaje të tjera janë zbuluar nga shpërthimi i ndodhur në një lokal në rrugën “Myslim Keta” në Tiranë, disa metra pas Komisariatit nr. 4 në Tiranë.
Sipas burimeve brenda Policisë së Tiranës, lokali është në pronësi të shtetasit Altin Allushi. Mirëpo, ky i fundit ia kishte lënë me qira shtetasit Jetmir Shurdhi, i cili punon si IT në Drejtorinë e Policisë Tiranë, por njerëzve u prezantohej si agjent i SHISH, shkruan Panorama. Policia tashmë po heton se mos shpërthimi ka lidhje me detyrën e qiramarrësit, apo me konfliktet që mund të ketë patur Allushi, i cili figuron të ketë qenë emigrant jashtë vendit.
Ngjarja ndodhi mëngjesin e sotëm rreth orës 03:15. Fatmirësisht nga shpërthimi nuk pati dëme në njerëz, por vetëm dëme materiale.
(Boldnews)
