S’mund të ishte rastësi… Ditën e djeshme, fotot e publikuara nga ambasadorja Yuri Kim dhe gazetari Blendi Fevziu, u pikasën nga Dosja.al, se ishin shkrepur nga i njëjti vend. Dhe kështu ka qenë në të vërtetë.
Ne siguruam edhe fotot nga eksplorimi i Kim nëpër ujërat e kaltra të Jonit, ku siç shihet ajo shoqërohet nga disa persona, e mes tyre spikat edhe gazetari Blendi Fevziu. Eksplorimi i nisur dje, ka vijuar edhe sot deri në mesditë kur janë shkrepur edhe këto foto.
Pamjet vijnë nga Palasa, ku Kim, Fevziu dhe personat e tjerë kanë hipur në një skaf, i cili nuk dihet nëse është i marrë me qira apo është i një personi tjetër, ndërsa në foton tjetër shihet teksa notojnë në ujë.
Mesa duket Fevziu, ka zgjedhur që të jetë ‘guida’ ekskluzive e ambasadores Kim. Ambasadorja Kim ka zgjedhur që të pushojë në Shqipëri. Prej ditësh ajo është vendosur në jug, ku ka nisur të promovojë natyrën shqiptare dhe njerëzit.
