Gjykata e Gjirokastrës ka vendosur masën e sigurisë arrest në burg për shoferin e ambulancës që përplasi për vdekje një fëmijë 10 vjeç më 14 Gusht, në Kakavijë.
Gjatë seancës gjyqësore, shoferi A.Golemi ka deklaruar se po transportonte me ambulancë një paciente dhe se i mituri i doli përpara mjetit. Sipas tij, ai po drejtonte ambulancën me 75 km/h dhe po nxitonte për të shkuar në Spitalin e Gjirokastrës.
Por pavarësisht pretendimeve të tij, trupa gjykuese ka vendosur që ta lërë në qeli shoferin e ambulancës deri në përfundim të hetimeve.
