Shteti italian i është rikthyer masave të rrepta, pas rikthimit të rasteve të shumta me koronavirus. Vëtëm gjatë 24 orëve të fundit janë shënuar 497 të infektuar. Kjo mund të cilësohet edhe një valë e re që ka kapluar Italinë.
Ministri i Shëndetësisë Roberto Speranza ka konfirmuar pezullimin e aktiviteteve, të cilat zhvillohen në sallat e mbyllura, disko dhe ambiente të ngjashme, jashtë ose brenda.
Masa është e vlefshme në të gjithë territorin italian, pra në të gjitha rajonet, dhe do të mbetet në fuqi të paktën deri më 7 shtator.
“Kështu po i japim një sinjal vendit që vëmendja duhet të mbahet e lartë”, tha ai.
