Vincent Kompany ka njoftuar tërheqjen e tij nga futbolli i luajtur. Ish-lojtari i Man.City aktualisht shërbente si lojtar-menaxher për klubin e Anderlecht.
Tashmë pas tërheqjes, 34-vjeçari ,do të jetë trajner i skuadrës belge me kohë të plotë.
Kompany pati një karrierë tepër të suksesshme teksa ka qenë një nga lojtarët kryesorë të Manchester City-t. Me “Qytetarët” ai arriti të fitonte 4 tituj të Premier League, 2 FA Cup, 2 Community Shield si dhe katër Kupa të Anglisw (EFL Cup).
Në aspektin individual, Kompany, u zgjodh si lojtari më i mirë i vitit në sezonin 2011-12 të Premier League. Ai gjithashtu është përfshirë në formacionin më të mirë të vitit në kampionatin anglez në tre raste (2010-11, 2011-12, 2013-14).
https://twitter.com/ESPNFC/status/1295295944439799808
