Lufta me coronavirusin ka ndikuar negativisht edhe në ekonominë japoneze.
Ekonomia e tretë më e madhe në botë pa se prodhimi i brendshëm bruto ka rënë 7.8% gjatë muajve prill deri në qershor, ose 27.8% në bazë vjetore.
Shifrat e publikuara ditën e hënë tregojnë një tkurrje të rëndë financiare. Japonia ra në recesion në fillim të këtij viti pas dy tremujorëve të njëpasnjëshëm të tkurrjes ekonomike.
Një nga faktorët kryesorë është rënia e rëndë e konsumit të brendshëm, i cili përbën më shumë se gjysmën e ekonomisë së Japonisë. Ekspertët gjithashtu shprehen se arsyeja tjetër e kësaj rënie të madhe ekonomike është dhe tregtia globale e cila është goditur nga pandemia.
Të dhënat e fundit janë tremujori i tretë i njëpasnjëshëm i rënies për ekonominë japoneze, e cila është ekonomia më e dobët që prej vitit 1955.
Rënia i bën presion japonezëve të cilët tashmë përveç pandemisë po luftojnë edhe me rritjen e taksës së shitjeve në 10% më shumë se vitin e kaluar raporton BBC.
