“Nuk e di a do ketë gjë me të neveritshme se kjo”. Kështu i komenton gazetari Klodian Tomorri pamjet e transmetuara në media një ditë më parë, ku një zonjë i jep para një infermiereje në spitalin COVID-2. Sipas raportimeve të gazetarit nga spitali, paratë u dhanë në formë rryfsheti në mënyrë që ti çohej ushqim familjarit që zonja kishte të shtruar në spital.
Në reagimin e tij në një postim në FB, Tomorri shton:
“Sipas kolegut qe e ka filmuar, zonja po i jep 2 mije leke rryshfet infermieres qe t’i coje ushqimin familjarit qe ajo ka te shtruar me Covid. Eshte e neveritshme dhe totalisht felliqesire ne cdo aspekt. Por eshte deshmia me e qarte se si sistemi yne shendetesor publik ka degraduar totalisht. Mund te jemi vendi i vetem ne planet ku jepet rryshfet qe tu sherbehet pacienteve te infektuar. Dhe nuk eshte faji i atyre infermiereve qe i marrin. Ata apo ato jane ndoshta ca te keqpaguar, por edhe mjerane, pasi kjo nuk e justifikon rryshfetin. Ky eshte faji i atyre qe menaxhojne sistemin shendetesor. Nuk e di ca ndjen kryeministri dhe ministrja e shendetesise kur shohin keto pamje. Por normalisht duhet t’u vije turp. Neveri. Totalisht neveri”.
