Klubi i Laçit ka lëvizur në merkaton e transferimeve dhe ka nënshkruar me mesfushorin, Klejdi Rapo. 26-vjeçari sezonin e kaluar ishte pjesë e Devollit në Kategorinë e Parë, teksa ka zhvilluar një vit tepër pozitiv.
Rapo me paraqitjet e tij kishte tërhequr edhe vëmendjen e Partizanit, por në fund Laçi ka dalë triumfues për shërbimet e tij.
Me afrimin e Rapos, Laçi, përforcon kështu krahët e mesfushës. Ekipi i Cungut vijon përgatitjet për duelin kundër Keshla në Europa League (27 gusht) dhe të enjten (17:00) do të zhvillojë një miqësore ndaj Apolonisë në “Loni Papuçiu”.
