Një 19-vjeçar shqiptar u arrestua nga policia greke dhe do të përballet me akuzën e marrëdhënieve seksuale me dhunë me një të mitur.
Ngjarja ka ndodhur në një fshat të Komunës së Archanes, Asterousia, Kretë.
19-vjeçari u arrestua pas denoncimit të së miturës.
Mediat greke shkruajnë se 19-vjeçari nga Shqipëria dhe vajza e mitur greke u takuan pranë një shkollë në zonën e tyre, atje ku, sipas të miturës, 19-vjeçari e përdhunoi.
Rasti u raportua të enjten në polici dhe i riu u arrestua menjëherë.
19 vjeçari pretendon se gjithçka është bërë me vullnetin e të miturës, me të cilën, siç tha ai, ata kanë një lidhje.
