Rozana Radi është ndër të paktit personazhe të njohura të televizionit që flet pa dorashka dhe gjithashtu e shfaq veten e saj ashtu si është, pa filtra e modifikime në foto.
Së fundmi këngëtarja ka publikuar një foto pa filtra e pa fotoshop, me kilogramët që ka shtuar dhe me vetëbesimin që duhet të ketë çdo vajzë. Pjesa më e bukur është pikërisht përshkrimi i fotos, disa fjalë që pasi t’i lexoni do t’ju bëjnë të ndiheni më mirë.
“Po, kam shtuar kilogamë dhe kjo nuk më bën më pak grua tërheqëse. Nuk do të thotë që të shtosh disa kg nuk je një grua inteligjente. Nuk do të thotë që po pate celulit, burrat nuk të duan më si më parë. Eshte problemi juaj që zgjidhni “burra” që ju duan për shalë. Është problemi i të gjithave ju me adresa fallco, që mjafton të kesh vënë pak bark dhe turreni me SMS për të bulluar këdo që ju del përpara në rrjetet sociale. Është thjesht të mos kesh “fytyrë” e te gjykosh fytyrën e tjetrit. Unë jam tipi i gruas që më kënaq një perëndim. Unë jam tipi i gruas që qaj me një film. Nuk më impresionojnë muskujt te një burrë, edhe pse i vlerësoj ata që merren me sport. Preferoj të dëgjoj nga një burrë që bisedat me mua janë ato që i pëlqejnë më shumë tek unë. Mënyra si qesh, si surprizohem…. Një kilogram më shumë në trup nuk më bën më pak të lexuar #unënukjamperfekte”, -ka shkruar Rozana.
