Edhe në vendin tonë ka një debat për përfaqësimin gjinor në politike dhe Kuvend. Shifrat ndryshojnë nga njëri vend në një tjetër.
Gjatë një debati në Senatin Italian, mbi masat që duhet të merren për barazinë gjinore, senatori Roberto Calderoli është shprehur se aty ku lejohen të dyja gjinitë të garojnë me njëra-tjetrën do të kishte favorizim të meshkujve.
Calderolli u shpreh se një mashkull mund të ketë 4-5 dashnore, të cilat në fund të ditës përkthehen në vota, ndërsa një femër zakonisht nuk është kaq e ‘provilegjuar’. Pra, ai ka ngritur një problem tjetër diskriminues, para se të dsikutohet kuota gjinore që duhet të përfaqësohet në zgjedhje.
Kjo deklaratë e tij ka shkaktuar reagime por edhe të qeshura në sallë.
Nuk është hera e parë që senatori Calderoli bën deklarata të tilla që shkaktojnë debate në Itali, por as deputeti i vetëm, madje edhe në parlamentin tonë ka pasur të tilla deklarata.
Kujtojmë se në Parlamentin shqiptar, deputeti Kostaq Papa deklaroi gjatë seancës, teksa ajo korrespondoi me Ditën e 8 marsit se kur ishte i ri, femrat që mbante krah tij pinin më shumë uiski se ujë.
