Genc Ruli, anëtar i Komisionit të Vlerësimit të kandidatëve për deputetë në PD, shprehet se personalisht nuk do të kthehet në politikën aktive.
Rui tha se dosjet e kandidatëve të propozuar ende nuk i janë vënë në dispozicion Komisionit të Vlerësimit, ndërsa thekson se eksperienca duhet të prevalojë ndaj prurjeve të reja.
Në një intervistë për Abcnews, Ruli u pyet nëse Sali Berisha duhet të kandidojë për deputet në zgjedhjet e 2021, ndërsa u shpreh se “Berisha ka akulumuar aq shumë lavdi politike sa do i mjaftonin edhe për dy jetë. Njerëzit mund të hyjnë edhe rastësisht në politikë, por arti i tërheqjes është më vete. Unë nuk di të them nëse z. Berisha do të kandidojë apo jo, por mendoj se Parlamenti i ri, nuk do t´i japë atë komoditet apo atë lavdi që ka akumuluar deri më tani”.
Ruli tha se për ish-Kryeministrat, nënkryetarët, sekretarin e përgjithshëm apo figurat historike të PD, Komisioni nuk mund të bëjë vlerësime nëse plotësojnë ose jo kritere, pasi është historia që i gjykon.
