Moti gjatë ditës së neësërme do të marrë kthesën e fortë ku do të kemi një ulje të ndjeshme të temperaturave sa i përket vlerave maksimale.
Gjatë ditës së Mërkurë pritet që të ketë reshje te dendura dhe rrebeshe shiu në të gjithë territorin.
Ja parashikimi i motit për nesër:
RESHJET
Nesër (e mërkurë, dt. 05), priten reshje intensive në qarqet Shkodër, Lezhë, Durrës, Tiranë dhe Fier, ndërsa në qarqet e tjera priten reshje të dobëta deri mesatare (siç tregohet në tabelë, respektivisht për secilin qark).
Reshjet do të shoqërohen me shtrëngata në shumicën e qarqeve. Ato mund të bien në formë breshëri dhe të shoqërohen me erë të fortë.
Reshjet e shiut dhe breshëri të shoqëruara me erë dhe me shtrëngata do të prekin disa nga zonat e vendit (sipas tabelës). Shtrengatat dhe intensiteti i lartë i reshjeve per momente të shkurtra mund të krijojë probleme të ndryshme si edhe vërshime të ujit sidomos në zonat kodrinore ose ato urbane në varësi të sistemit të kanalizimeve. Shtrengatat do të jenë të shoqëruara dhe me shkarkesa elektrike në këto zona.
TEMPERATURAT
Nesër (e mërkurë, dt. 05) temperaturat minimale dhe maksimale të ajrit pritet të arrijnë:
në bregdet: 21 / 27°C
në vendet e ulëta: 21 / 25°C
në vendet malore: 16 / 29°C
ERA
Nesër (e mërkurë, dt. 05) era pritet të fryjë mesatare deri e fortë, sidomos në bregdet.
