Dy persona janë vënë në pranga nga policia e Tiranës si dhe janë shpallur në kërkim dhe dy të tjerë pas një përplasje me armë që ka ndodhur në orët e para të mëngjesit të së dielës në rrugën “Bedri Karapici” tek qyteti i nxënësve.
Dy të rinj u kanë zënë pritë tre shtetasve, në dy ngjarje të ndryshme dhe në njërën ka pasur edhe përplasje me armë.
Nga Seksioni për Krimet e Rënda ndaj Jetës, është bërë arrestimi në flagrancë i shtetasve:
– Erland Markola, 28 vjeç, banues në Tiranë, i dënuar më parë për “Vjedhje me dhunë”.
– Amarildo Koçeku, 23 vjeç, banues në Tiranë.
Si dhe është bërë shpallja në kërkim e shtetasve:
– Shpëtim T., 31 vjeç, banues në Tiranë, i dënuar më parë për “Vjedhje”.
– K. T., 17 vjeç, banues në Tiranë.
NGJARJA I
Më datë 09.10.2016, rreth orës 00:35, në rrugën “Bedri Karapici”, shtetasit Erlando Markola dhe Amarildo Koçeku, i kanë bërë pritë shtetasit Shpëtim T., ku Amarildo Koçeku dyshohet ti ketë drejtuar një armë zjarri tip pistoletë, në atë moment Shpëtim T. me makinën e tij tip “Volksëagen”, ka përplasur Amarildo Koçekun.
Nga situata e krijuar ka ndërhyrë nipi i Shpëtim T. shtetasi K. T., i cili ka marrë në banesë një armë zjarri tip automatik dhe dyshohet të ketë qëlluar në drejtim të Erland Markolës dhe Amarildo Koçekut, ku për pasojë ka mbetur i plagosur shtetasi Amarildo Koçeku, i cili ndodhet në S.Q.U. jashtë rrezikut për jetën.
NGJARJA II
Po më datë 09.10.2016, rreth orës 08:00, është paraqitur dhe ka bërë kallzim në Komisariatin e Policisë Nr.6, shtetasi L. M., 21 vjeç, banues në Tiranë, i cili ka kallzuar se më datë 08.10.2016, rreth orës 23:00, në rrugën “Bedri Karapici”, dy persona kanë dalë nga një mjet tip “Mercedes Benz”, duke i drejtuar një armë zjarri tip pistoletë.
Nga përshkrimi i personave dhe paraqitja për njohje me anë të fotos, dyshohet se një nga dy autorët të jetë Erland Markola.
Në cilësinë e provës materiale në vendin e ngjaries janë sekuestruar:
Katër gëzhoja arme zjarri model 56
Një automjet tip “Volksëagen” (në pronësi të Shpëtim T.)
Po punohet për kapjen e dy shtetasve të shpallur në kërkim si dhe gjetjen e armëve të dyshuara të përdoruara në këtë ngjarie.
Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprat penale “Kanosja” dhe “Prodhimi dhe mbajtja pa leje e armëve luftarake dhe e municionit”, parashkuar nga Nenet 84-25 dhe 278 të Kodit Penal në ngarkim të shtetasve Erland Markola dhe Amarildo Koçeku. Për veprat penale “Tentativë vrasje në bashkëpunim” dhe “Prodhimi dhe mbajtja pa leje e armëve luftarake dhe e municionit”, parashkuar nga Nenet 76-22-25 dhe 278 të Kodit Penal në ngarkim të shtetasve Shpëtim T. dhe K. T.
