Një shpërthim ka ndodhur mëngjesin e sotëm në Tiranë. Ngjarja ka ndodhur në rrugën “Myslym Keta” rreth orës 3:15 të mëngjesit në një lokal, të cilin e kishte me qira shtetasi Admir Shurdhi.
Zyrtarisht Policia bën me dije se më datë 14.03.2016, në lokalin e shtetasit Leonard Alushi, të cilin e ka marrë me qira Admir Shurdhi, ka ndodhur një shpërthim.
Si pasojë e shpërthimit ka vetëm dëme materiale dhe nuk ka të dëmtuar në njerëz. Nga hetimet paraprake dyshohet se shpërthimi ka ardhur nga 500 gram tritol, por në vendin e ngjarjes janë mbledhur të gjitha provat materiale për zbardhjen e plotë, ndërsa janë marrë në pyetje edhe pronarët.Lokali shërbente si bar kafe dhe pranë tij ndodhej dhe një lavazh.
(Boldnews)
