Ukrahina ka shënuar golin e parë duke kryesuar në pjesën e parë të takimit me Kosovën. Ndeshja po luhet në Krakovë të Polonisë dhe është takimi i vlefshëm për grupin I kualifikues të Kupës së Botës “Rusi 2018”.
Ukraina edhe pse është vendase në këtë takim, ka vendosur që ndeshja të zhvillohet në fushë asnjëanëse për shkak të mosnjohjes politike të Kosovës si shtet më vete. Si Ukraina edhe Kosova janë në kërkim të fitores së tyre të parë në këto kualifikuese. Trajneri Bunjaki ka bërë 4 ndryshime në formacion në krahasim me ndeshjen ndaj Kroacisë. Sot Kosova pritet të luajë më e disiplinuar në mbrojtje me qëllim shmangjen e një tjetër humbjeje të thellë, ndërsa Shevçenko ka zgjedhur një formacion totalisht sulmues për të goditur Kosovën dhe për të siguruar fitoren e parë në karrierën e tij si trajner.
