Vasil Shkurtaj e mbylli aventurën e tij me skuadrën e Kukësit dhe me shumë mundësi dhe me Superligën shqiptare.
Ai e bëri të ditur diçka të tillë me një njoftim në Instagramin e tij personal. Sulmuesi kryesor i verilindorëve la një mesazh duke falenderuar të gjithë në kampin e kuksianëve.
“Erdhi momenti i lamtumirës. Një cikël i bukur i karrierës sime futbollistike, sapo u mbyll. 1 vit e gjysmë plot gëzime, por edhe mërzitje. Dua të falënderoj presidentin, drejtuesit, trajnerët, stafin mjekësor, punëtoret e fushës edhe gjithë shokët e skuadrës për këtë bashkëpunim. Ishte nder për mua të përfaqësoja ekipin e Kukësit dhe uroj që vitin tjetër të shpallen kampion, sepse e meritojnë. Me respekt, Vasil Shkurtaj“, – shkruan lojtari.
