Emanuel Egbo do të jetë trajneri Tiranës edhe për sezonin e ardhshëm, madje do t’i shtohet stafi ndihmës për ta pasur më të lehtë punën e tij.
Kështu u shpreh presidenti i bardhebluve, Refik Halili, në një intervistë të dhënë për Supersport pas festës së titullit kampion. Numri 1 I bardhebluve gjithashtu ka deklaruar se klubit të Tiranës do t’I bashkohen rreth 4-5 futbollistë brenda datës 10 gusht.
“Egbo ka pasur dëshirë që të vazhdojë. Egbo do të jetë pjesë e Tiranës, do të jetë trajner. Do të ulemi për të biseduar për çështjen financiare. Dua ta mbështes me staf më të zgjeruar. Do të jetë mirë për skuadrën dhe do t’i shërbejë më shumë skuadrës.”
Merkato: “Do të kemi 4-5 blerje brenda datës 10, të cilët do t’i shikojmë në fushë dhe nuk mund të flasim nëse janë pak apo shumë cilësor. Shpresojmë që në Europë të mos shkojmë për një udhëtim. Ndaj po kërkojmë të bëjmë dhe një merkato cilësore. Duam të kalojmë ture.”
