Skënder Gega pritet të jetë trajneri I ri I Kukësit. Me mbylljen e sezonit, drejtuesit verilindorë do të largojnë trajneri Shehi pasi nuk arriti të dilte kampion dhe as të fitonte Kupën e në këtë mënyrë do të largohet pas vetëm pak muajsh.
Ashtu siç raporton “Supersport”, presidenti Safet Gjici dhe tekniku 56-vjeçar janë në bisedime prej disa ditësh e palët këtë herë duket se nuk do të bëjnë prapaktheu në momentin e fundit, siç ka ndodhur të paktën në dy raste. Kuptohet që Orges Shehi, i cili nuk i arriti objektivat që kishte kur u emërua trajner i verilindorëve do të hapë krahun.
Në fakt, pritet vetëm zyrtarizimi i marrëveshjes pasi janë përcaktuar të gjitha detajet për të cilat palët janë në dakordësi të plotë. Gega mësohet se do të marrë menjëherë frenat e Kukësit, për të nisur përgatitjet për sezonin e ri, ku impenjimi i parë do të jetë në Europa League.
