Dafina Zeqiri është mes këngëtarëve që ka nënshkruar peticionin drejtuar Apple për vendosjen e Kosovës në hartë. Këngëtarja ka qenë ndër mbështetëset më të mëdha të këtij peticioni dhe bëri disa herë apel që edhe ndjekësit e tjerë ta nënshkruanin.
Megjithatë disa prej tyre nuk u janë përgjigjur kësaj thirrje, duke shkaktuar reagimin e ashpër të Dafina Zeqirit.
Këngëtarja tha se duhet t’u vijë turp atyre që e konsiderojnë veten patriotë, por rrinë gjithë kohës në internet dhe nuk nënshkruajnë peticionin.
“Duhet t’iu vijë turp juve që i thoni “patriotë” dhe nuk keni “vakt” të hyni online në telefon (aty ku rrini gjithë ditën e natën e gjatë duke qesh njëri-tjetrin më shumë se e suportoni). Postoni selfie dhe merrni “like” a mi jep veç pak zor as zor jo me postuar për të drejtat tona në Kosovë jo? Edhe ju kolegët e mi nga Kosova e Shqipëria,”- shkroi Dafina Zeqiri.
