Një operacion policor i koduar “High” është finalizuar me sekuestrimin e rreth 173.6 gr lëndë narkotike kokainë.
Në prangat e policisë kanë rënë Abdyl Canga, 22 vjeç dhe Aleks Shpendi, 28 vjeç, të dy banues në Shkodër. Të dy këta shtetas bënin shpërndarjen e lëndës narkotike gjatë orëve të mbrëmjes nëpër lokalet e Shkodrës.
Gjatë kontrollit të ushtruar ju gjetën dhe u sekuestruan në cilësinë e provës materiale një sasi prej 173.6 gram lëndë narkotike e dyshuar kokainë, 100 000 lekë të reja, 2 aparate celular si dhe 1 peshore elektronike e vogël.
