Publikohen për herë të parë pamje të rralla të planetit Mars në cilësinë 4K. Fotografitë janë shkrepur nga tre rover-at e NASA, Opportunity, Spirit dhe Curiosity në disa nga vendet më interesante të planetit të kuq.
Po ashtu është publikuar edhe një video e cila tregon shumë nga vendet më të famshme të Marsit me detaje mahnitëse, duke përfshirë Cape Verde, Santa Maria Crater, Burns Cliff dhe Marathon Valley Valley. Videoja e rrallë vjen pak para se NASA të nisë një rover të ri në Mars.
Balta e gjetur në Mars sinjalizon praninë e ujit në të kaluarën e cila besohet që ka mbuluar marsin rreth 3.8 miliardë vite më parë. Në këtë pikë, në vitin 2020, roverët e NASA-s kanë gjetur prova të pakundërshtueshme që Marsi dikur ishte një planet me ujë.
Pamjet me rezolucion të lartë janë një mozaik i dhjetëra fotografive të dërguara në Tokë. Sot vetëm një rover i NASA vijon të jetë funksional.
