Kryeministri Rama ka publikuar një foto në faqen e tij në Facebook, ku mburret se në Shqipëri asgjësohet 99.8% e sipërfaqeve me bimë narkotike.
Një shifër kjo që ka habitur komentuesit dhe shumë prej tyre e kanë kundërshtuar.
Megjithatë, një djalë e pyet për rezultatin e ndeshjes së Shqipërisë me Spanjën, teksa i thotë se “e kanë kënaqur me drogën”, shkruan JOQ.
“Na thuaj sa dalim me Spanjën se për kto punë të kemi zgjedhur, drrogën lëre se duket që po e knaqni”, shkruan ai në Facebook.
Nuk ka vonuar as përgjigja e Ramës, i cili duket se ka njohuri të mira mbi drogën dhe i thotë:
“Blerand, e para jo me dy “rr” se duket droga si gërrhimë pastaj. E dyta, 99.8% e parcelave të shkatërruara është si të fitosh kampionatin dhe të të thonë po mirë pse hëngre dy gola në grup…”, ia kthen Rama të riut.
