Kreu demokrat Lulzim Basha ka thirrur një takim të partive aleate, pak përpara nisjes së mbledhjes së Këshillit Politik.
Takimi pritet të nisë në orën 16:45 në selinë e PD për të diskutuar hapat që do të ndiqen në lidhje me ndryshimet kushtetuese që Kryeministri Edi Rama dhe ajo që njihet si “opozita” parlamentare duan të realizojnë në seancën e 30 korrikut.
Ndërkaq gjatë pasdites së sotme pritet të mblidhet dhe Këshilli Politik ku nga Rama dhe përfaqësuesit e opozitës parlamentare do të kërkohet diskutimi i ndryshimeve Kushtetuese.
Ndryshimet konsistojnë në hapjen e listave dhe një formulë të re për koalicionet parazgjedhore.
