Mbledhja e Komisionit të Etikës, e cila do të diskutonte dhe do të merrte një vendim për ndeshjen e shumëpërfolur midis Bylisit dhe Tiranës nuk do të zhvillohet sot.
Shkak për këtë është bërë mungesa e anëtarëve, pasi në mbledhje ishte vetëm kryetari i Komisionit të Etikës, Fatmir Braka dhe Bashkim Koka.
Vendimi do të merret në një moment të dytë, pasi të shqyrtohen të gjitha materialet e mbledhura për ndeshjen në fjalë.
Presidenti i Tiranës, Refik Halili, gjithashtu ka paraqitur deklaratën e plotë me shkrim ditën e premte dhe tani pritet vetëm vendimi.
