Selami Jenisheri njoftoi sot tërheqjen nga grupi i deputetëve që kishin firmosur një kërkesë për ndryshime Kushtetuese.
Tërheqja e Jenisherit mund të krijonte probleme lidhur me kërkesën, pasi duke rënë numri nga 28 në 27 deputetë, mund të vihej në diskutim i gjithë procesi.
Jenisheri akuzoi Këshillin Politik duke deklaruar se ata nuk mund të vendosin për fatin e Kushtetutës.
Por pas tërheqjes së firmës nga Jenisheri, këtij dokumenti i janë shtuar tre firma të tjera, nga radhët e deputeteve të opozitës parlamentare.
Alban Zeneli, Korab Lita dhe Ralf Gjoni iu bashkuan kolegëve të tyre. Tre ligjvënësit nuk kishin firmosur deri më tani mbi dokumentin.
Me firmosjen e këtyre 3 deputetëve tashmë kërkesa për ndryshimet kushtetuese ka 30 firma.
