Boksierët britanikë Tyson Fury dhe Anthony Joshua, kanë qenë këtë fundjavë në Marbella të Spanjës. Nuk dihet nëse ka qenë rastësi apo gjithçka e planifikuar.
Ka qenë Joshua ai që ka konfirmuar se është përshëndetur me Fury përmes një foto të publikuar në rrjetet sociale. Joshua me maskë në rrugë dhe Fury me makinë, fotoja që konfirmon se dy boksierët janë përshëndetur në Marbella të Spanjës.
Prej kohësh përflitet se palët po bisedojnë për të zhvilluar një ose dy duele që do të unifikojë titujt kampionë bote në peshën e rëndë, një duel që pritet nga miliona fansa anembanë botës.
