Flamurtari i Prishtinës ka konfirmuar dy raste pozitive me Covid-19. Dy të prekurit janë presidenti i klubit, Imer Ademi dhe sulmuesi Gentrit Begolli.
Vetë Ademi e ka konfirmuar diçka të tillë për “Zëri.info”. Ai tregon se sulmuesi Begolli prej katër ditësh nuk ka dalë në stërvitje me ekipin dhe po qëndron i izoluar, për të mos e përhapur virusin.
Kreu i klubit të Flamurtarit edhe vetë po qëndron në shtëpi. Ndërkohë bashkëshortja e tij nuk ka shfaqur simptoma, pavarësisht kontaktit mes tyre. Testi ende nuk i është bërë, pikërisht prej mungesës së simptomave.
