Sulmuesi shqiptar i Mariehamn në kampionatin finlandez, Albion Ademit, vazhdon të realizojë në këtë fillim sezoni.
21-vjeçarit i kanë mjaftuar vetëm katër minuta për të gjetur golin në ndeshjen e sotme. Sulmuesi i majtë u transferua te Mariehamn janarin e këtij viti dhe ka realizuar 2 gola në tre ndeshjet e para të kampionatit.
Ademi shfrytëzoi një kros të Maenpaa nga e djathta dhe u zhyt bukur me kokë, duke dërguar topin në rrjetë dhe duke i dhuruar avantazhit ekipit të tij.
Ademi ka lindur në Finlandë, është aktivizuar me përfaqësueset U-17, U-18 dhe U-19 të këtij shteti, ndërsa më pas ka zgjedhur të mbrojë ngjyrat kuqezi. Ai numëron tre ndeshje me Shqipërinë U-21, ndërsa Panucci e grumbulloi dy vite më parë me kombëtaren e madhe, por nuk ia doli të debutojë.
