Të dënuarit të pestë të tragjedisë së Gërdecit i është dhënë e drejta nga Gjykata Kushtetuese për ta çuar çështjen e tij në Gjykatën e lartë.
Hysni Çoçka, pasi përfundoi dënimin e dhënë nga drejtësia për ngjarjen tragjike të tetë viteve më parë, iu drejtua Gjykatës Kushtetuese, duke kërkuar shfuqizimin si të papajtueshëm me Kushtetutën të tri vendimeve gjyqësore ndaj tij, atë të shkallës së parë, vendimin e Gjykatës së Apelit të Tiranës dhe vendimin e Kolegjit Penal të Gjykatës së Lartë, për mospranimin e rekursit.
Gjykata Kushtetuese, pasi ka shqyrtuar kërkesën e Çoçkës, i cili është gjetur fajtor për akuzën e “Shpërdorimit të detyrës”, kryer nga kuadri komandues, ka konstatuar se, ndërsa ndodhej në burg, i është mohuar e drejta për të pasur akses në Gjykatën e Lartë.
Policia e Tiranës arrestoi ushtarakun Hysni Çoçka, i deklaruar fajtor për tragjedinë e Gërdecit dhe i dënuar me 3 vjet burg për shpërdorim detyre të kryer në kuadrin komandues.
