Ambasadori i BE-së në Tiranë, Luigi Soreca, ka kërkuar nga palët politike që të vijojnë me zbatimin e marrëveshjes së 5 qershorit, e cila sipas tij u mirëprit nga Bashkimi Europian.
Soreca theksoi se Reforma Zgjedhore gjithashtu është kyçe për negociatat dhe anëtarërisimin e vendit në BE.
“Pa këtë kusht nuk mund të fillojë konferenca e parë. Ndryshimet Kushtetuese janë jashtë rekomandimeve të BE-së. Duhen bërë konsultimet përkatëse“, tha Soreca.
Reagimi ka ardhur pasi një ditë më parë, PS dhe ajo që njihet si “opozita parlamentare” miratuan disa ndryshime Kushtetuese, sipas të cilave hapeshin listat dhe pengohej mundësia për koalicione parazgjedhore.
Kundër kësaj lëvizjeje, për të cilën Rama justifikohet se PS nuk i ka votat në Kuvend për të miratuar ndryshimet në Kodin Zgjedhor, pas votat e opozitarëve, janë shprehur edhe ndërkombëtarët.
