Tenisti bullgar, Grigor Dimitrov, është shëruar nga Covid-19. Lajmin e konfirmoi vetë tenisti në një postim në rrjetet sociale.
Ish-numri 3 në botë u infektua me Covid-19 gjatë turneut të “Adria Summer Tour” bashkë me 3 kolegë të tjera (Djokovic, Coric e Troicki).
Pas një muaji turnetë e tenisit do të rinisin në Amerikë, aty ku do të zhvillohet edhe grand slam i US Open, ku bullgari synon të luajë.
“Sapo mora një lajm të shkëlqyer nga Monako, jam shëruar nga Covid-19. Faleminderit të gjithëve për mbështetjen gjatë kohës që isha në karantinë. Mezi pres të rikthehem në fushë për t’u stërvitur dhe për të qenë gati për turnetë amerikanë”, tha Dimitrov.
