Aktorja e njohur Naya Rivera ndërroi jetë disa ditë më parë dhe pas një kërkimi të gjatë, trupi i saj i pajetë u gjet në liqen ditën e hënë. Autoritetet kanë bërë autopsinë dhe ka rezultuar se shkak i vdekjes ishte mbytja aksidentale.
“Shkaku i vdekjes është mbytja, dhe mënyra e ndërrimit të jetës është aksident,” tha ekzaminuesi mjekësor i Qarkut Ventura.
Sipas autoriteteve, 33-vjeçarja ka mbledhur të gjithë energjinë e saj të fundit për të shtyrë lart të birin në varkë, por jo mjaftueshëm sa për të shpëtuar dhe veten. Naya nuk mbante jelek shpëtimi. Mendohet se pas mbytjes, trupi i saj ka ngecur mes bimësisë së liqenit, i cili e lëshoi më vonë dhe zhytësit e gjetën duke pluskuar në sipërfaqe. Kjo ngjarje ka tronditur të gjithë botën e showbiz-it të huaj, pasi Riviera ishte mjaft e njohur dhe e pëlqyer nga të gjithë.
