Sulmuesi i Atalantës, Luis Muriel, ka pësuar një incident të rrezikshëm në ambientet e shtëpisë së tij dhe për pasojë është dërguar në spital.
Ashti siç raporton “Sportmediaset”, kolumbiani ka rrëshqitur në bordurën e pishinës dhe është gjakosur në kokë nga përplasja e fortë.
29-vjeçari është dërguar në spitalin e Bergamos ku edhe po bëhen analizat dhe mjekët në raportin e parë kanë siguruar se nuk flitet për asgjë serioze, edhe pse rreziku i tronditjes është i madh.
Atalanta luan mbrëmjen e sotme ndaj Brescias duke filluar nga orëa 21:45, ndërsa Muriel do të mbështesë shokët e tij të skuadrës nga ambientet e spitalit.
