Lewis Hamilton fiton Çmimin e Madh të Austrisë. Britaniku e dominoi garën e dytë të sezonit nga starti e për ta përfunduar atë i pa shqetësuar nga rivalët.
Në vendin e dytë u rendit piloti tjetër i Mercedes, Valteri Bottas. Finlandezi parakaloi në xhirot e fundit Max Verstappen falë një strategjie më të mirë të skuderisë anglo-gjermane.
Verstappen i cili e mbrojti vendin e dytë për pjesën më të madhe të garës, e mbylli garën në vendin e fundit të podiumit.
Nga ana tjetër për Ferrarin ishte një garë totalisht për tu harruar. Si të mos mjaftojnë problemet që ka makina dhe fakti që Sebastian Vettel dhe Charles Leclerc nuk po arrijnë rezultate të mira, ka probleme dhe mes dy pilotëve.
Leclerc ka goditur Vettelin që në xhiron e parë të çmimit të Austrisë. Leclerc që u nis pas Vettel përplasi gjermanin në kthesën e tretë të kësaj piste. Dëmtimet në makinën e gjermanit ishin të pariparueshme dhe e mbylli menjëherë garën. 22-vjeçari rezistoi katër xhiro më shumë në pistë pasi e mbylli garën pas shokut të skuadrës, në xhiron e pestë.
