Kryebashkiaku i kryeqytetit të Koresë së Jugut, Park Won-soon, është gjetur sot i pajetë nga policia pak orë pasi u shpall i humbur.
Ishte vajza e tij ajo e cila ngriti alarmin, pasi babai i saj kishte lënë një mesazh të dyshimtë përpara se të dilte nga shtëpia.
Trupi i tij u gjet në malin Bugak në veri të Seul, afër vendit ku u regjistrua për herë të fundit sinjali i tij i telefonit. Ende nuk janë bërë të ditura shkaqet që kanë çuar në vdekjen e zyrtarit.
BBC raporton se një punonjëse kishte ngritur një kërkesë për ngacmim seksual kundër tij pak orë para se të zhdukej. Por ende nuk është konfirmuar nëse ky ishte një faktor që ka ndikuar në vdekjen e tij.
64-vjeçari Park drejtonte bashkinë e Seulit që prej vitit 2011 dhe shihej si një kandidat i mundshëm në radhët liberalëve për zgjedhjet presidenciale të 2022.
